O vindeiro domingo 19 de decembro Lugares Comúns presenta no Auditorio Municipal de Cedeira o primeiro Festival do Solsticio de Inverno, no que vos convidamos a participar nas diferentes actividades que organizará a nosa asociación e presentarémola en sociedade.
O festival desenvolverase en tres partes:
11:30h:
– Obradoiro de canto gaélico, da mán de Gillebrìde MacMillan, músico e profesor de estudos celtas na universidade de Glasgow.
Gillebrìde ven do South Uist, nas illas Hébridas escocesas e a súa linguaxe materna e o gaélico. Falará sobre a historia e a cultura gaélica, o canto tradicional e as linguaxes minoritarias. Podedes ver máis información sobre a música de Gillebrìde na súa web e no seu perfil de Twitter.
18:00h:
– Alumnado de Violín Galicia
– Grupo de Acordeóns de Cedeira
19:30h:
– Ermitas García (poesía)
– Gillebride MacMillan (canto gaélico)
– Mulleres Unmasked (proxección + música ao vivo)
– O Mar (grupo local)
A entrada ao festival é libre até completar o aforo. Terase en conta a normativa vixente en relación ás medidas de prevención Covid.
